Xocalı soyqırımı ilə bağlı Vladivostokda anım tədbiri təşkil edilib
2024

Xocalı soyqırımı ilə bağlı Vladivostokda anım tədbiri təşkil edilib
Rusiya Federasiyasının Vladivostok şəhərində Xocalı soyqırımının 32-ci ildönümü ilə əlaqədar anım tədbiri keçirilib.

 

 

 

Rusiya Federasiyasının Vladivostok şəhərində Xocalı soyqırımının 32-ci ildönümü ilə əlaqədar anım tədbiri keçirilib.
📌https://t.co/gdP8pPcXdc#JusticeforKhojaly #Khojaly #KhojalyGenocide #XocalıyaƏdalət pic.twitter.com/fGfyXKQwYP

— Azerbaijani Diaspora (@DiasporaAz) February 29, 2024

 

 

Xocalı soyqırımı qurbanlarının əziz xatirəsinin bir dəqiqəlik sükutla yad edilməsi ilə başlayan tədbirdə Primorsk diyarının Milli-Mədəni İctimai Təşkilatının (Azərbaycan Konqresi) sədri Mərdan Novruzov, gənc diaspor nümayəndəsi Firudin İbadov, Rufiz Məmmədov və digərləri çıxış edərək, beynəlxalq ictimaiyyətdən Xocalı soyqırımı ilə bağlı qətiyyətli addımlar atılmasını tələb ediblər. Tədbirdə çıxış edən diaspor fəalları Xocalı soyqırımının şahidlərinin müdhiş fevral gecəsi ilə bağlı xatirələrini bölüşüblər. Xalqımızın Ermənistan tərəfindən törədilən, mülki əhalinin hədəf alındığı hərbi cinayətləri heç vaxt unutmayacağı vurğulanıb, dəhşətli faciənin baiskarlarının mütləq cəzalandırılacağına, ədalətin gec-tez bərqərar olacağına inam ifadə olunub. Tədbirin sonunda Xocalı qurbanlarının ruhuna dualar oxunub, ehsan süfrəsi açılıb.

 

FOTO QALEREYA

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/xocali-soyqirimi-ile-bagli-vladivostokda-anim-tedbiri-teskil-edilib-4331

 

 

 

Kocaeli Universitetində Xocalı soyqırımının qurbanları anılıb
2024
Kocaeli Universitetində Xocalı soyqırımının qurbanları anılıb
Türkiyənin Kocaeli Universitetinin və Türkiyə-Azərbaycan Dərnəkləri Federasiyasının (TADEF) birgə təşkilatçılığı ilə “Xocalı soyqırımı 32-ci ilində: unutmadıq, unutmayacağıq!” adlı anım proqramı təşkil olunub.

 

 

 

Kocaeli Universitetində Xocalı soyqırımının qurbanları anılıb
📌https://t.co/aJsi7W6Prs#JusticeforKhojaly #Khojaly #KhojalyGenocide #XocalıyaƏdalət pic.twitter.com/GObpUHeie5

— Azerbaijani Diaspora (@DiasporaAz) March 1, 2024

 

 

Professor Baki Komsuoğlu Mədəniyyət və Konqres Mərkəzində keçirilən anım proqramından əvvəl tədbir iştirakçıları Xocalı dəhşətlərinin əks oldunduğu fotoşəkillərdən ibarət sərgi ilə tanış olublar.

Tədbirdə rektor, professor Nuh Zafer Cantürk, Azərbaycanın İstanbul şəhərindəki Baş konsulluğunun konsulu Zaur Allahverdi-zadə, prorektor, professor Mehmet Yıldırım, dosent Mustafa Eren, TADEF-in sədr müavini Settar Kaya, sədrin müşaviri Pərviz Məmmədzadə, universitetin professor-müəllim heyəti və tələbələr iştirak edib.

Anım mərasimi Xocalıda qətlə yetirilənlərin əziz xatirəsinin bir dəqiqəlik sükutla yad edilməsi, Türkiyə və Azərbaycanın dövlət himnlərinin səsləndirilməsi ilə başlayıb. Daha sonra Xocalı soyqırımı ilə bağlı videoçarx nümayiş olunub.

Rektor Nuh Zəfər Cantürk çıxış edərək qeyd edib ki, 32 il əvvəl Ermənistan silahlı qüvvələri Xocalı şəhərini işğal etməklə kifayətlənməyib, həm də insanlığa sığmayan qırğın törədib. O, Xocalı soyqırımına dair statistikanı xatırladaraq qeyd edib ki, bəşər tarixində qara iz qoymuş qətliamın ağrıları səngiməsə də, işğal altında olan torpaqların azad edilməsi təkcə azərbaycanlılara deyil, qardaş türk xalqına da sevinc bəxş edib. Xocalı soyqırımı qurbanlarının xatirəsini bir daha ehtiramla yad edən rektor, şəhidlərimizə Allahdan rəhmət, ailələrinə və xalqımıza başsağlığı diləyib.

Konsul Zaur Allahverdi-zadə Xocalı soyqırımın dünyanın gözü qarşısında törədildiyini qeyd edərək, Xocalıda baş verənlərin təkcə Azərbaycan xalqına qarşı deyil, bütün bəşəriyyətə qarşı törədilmiş cinayət olduğunu deyib.

TADEF-in sədr müavini Settar Kaya çıxışında ermənilərin törətdiyi soyqırım və qırğınların iki əsrdir davam etdiyini, Xocalıda törədilənlərin usə xüsusi yer tutduğunu, müdafiəsiz dinc sakinlərin vəhşicəsinə qətlə yetirildiyini vurğulayıb. Xocalı və erməni işğalından azad olunan digər şəhər və kəndlərimiz uğrunda minlərlə şəhid verdiyimizi xatırladaraq, ermənilərin soyqırım cinayətlərini qlobal miqyasda tanıdılması işinin davam etdiriləcəyini deyib.

Açılış nitqlərindən sonra anım proqramı çərçivəsində panel keçirilib. Paneldə Kocaeli Universitetinin professoru İbrahim Şirin və Azərbaycan Respublikasının Vəkillər Kollegiyası Akademiyasının rektoru, Bakı Dövlət Universitetinin Hüquq fakültəsinin professoru, hüquq elmləri doktoru Əmir Əliyev məruzəçi qismində iştirak edib.

Paneldə məruzəçilər Xocalı soyqırımının beynəlxalq miqyasda əsl hüquqi-siyasi qiymət almasının və onun təşkilatçılarının cəzalandırılmasının insanlığa qarşı yönəlmiş belə qəddar aktların təkrarlanmaması üçün mühüm şərt olduğunu deyiblər. Mövcud beynəlxalq hüquq çərçivəsində Xocal soyqırımına görə məsuliyyət daşıyan şəxslərin ədalət məhkəməsinə çıxarılması və azərbaycanlılara qarşı törədilmiş digər soyqırımların tarixi və hüquqi nəticələri məruzəçilər tərəfindən geniş izah edilib.

Sonda məruzəçilərə və digər iştirakçılara təşəkkürnamələr təqdim edilib.

Tədbir çərçivəsində ölkəmizin İstanbul şəhərindəki Baş konsulluğunun və TADEF-in nümayəndə heyəti Kocaeli Universitetinin rektoru, professor Nuh Zafer Cantürklə görüşüb.

Görüşdə təhsil və maraq doğuran digər məsələlər ətrafında fikir mübadiləsi aparılıb.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kocaeli-universitetinde-xocali-soyqiriminin-qurbanlari-anilib-4344

 

 

 

Marneulidə Xocalı soyqırımı qurbanlarının xatirəsinə həsr olunmuş şahmat turniri keçirilib
2024
Marneulidə Xocalı soyqırımı qurbanlarının xatirəsinə həsr olunmuş şahmat turniri keçirilib
Gürcüstanın Marneuli şəhərindəki “Gürcüstan Azərbaycanlılarının İnteqrasiya Mərkəzinin” (GAİM) təşkilatçılığı ilə Xocalı soyqırımının 32-ci ildönümnə həsr olunmuş şahmat turniri keçirilib. Yarışda 6-9 və 10-15 yaş qruplarında 48 şahmat həvəskarı iştirak edib. İlk olaraq,tədbir iştirakçıları Xocalı soyqırımı qurbanlarının xatirəsini bir dəqiqəlik sükutla yad ediblər. Əvvəlcə GAİM-in icraçı direktoru Murad Muradov Xocalı faciəsi barədə ətraflı məlumat verib. Bildirib ki, bu qanlı faciədən 32 il keçməsinə baxmayaraq, xalqımız soyqırımı qurbanlarının xatirəsini heç zaman unutmayıb və unutmayacaq. O da diqqətə çatdırılıb ki, faciə qurbanlarının xatirəsi təkcə Azərbaycanda deyil, azərbaycanlıların yaşadıqları bütün ölkələrdə anılır.

 

 

Marneulidə Xocalı soyqırımı qurbanlarının xatirəsinə həsr olunmuş şahmat turniri keçirilib
📌 https://t.co/dmOZ0fHnec#JusticeforKhojaly #Khojaly #KhojalyGenocide #XocalıyaƏdalət pic.twitter.com/CK6QEkpfbq

— Azerbaijani Diaspora (@DiasporaAz) February 28, 2024

 

 

 

Anım tədbirindən sonra turnirə start verilib. Yarışda birincilik uğrunda Marneuli bələdiyyəsində fəaliyyət göstərən “GAİM”, “Tea House” (“Çay Evi”) və Kürtlər kəndindəki tədris mərkəzinin şagirdləri mübarizə aparıblar. Yarışda 6-10 yaş qrupunda “Tea House”-un yetirmələri Amar Nəsibov birinci, Rafael Bayramov ikinci, Mate Kiparoidze üçüncü yerləri qazanıblar. Digər qrupda (10-15 yaş qrupu) mübarizə aparan gənc şahmatçılardan Əli Əliyev (Çay Evi) birinci, Hesynəli Allahverdiyev ikinci, Renat Əsgərov (GAİM) isə üçüncü yeri tutub.

Azərbaycanlılarının İnteqrasiya Mərkəzinin” (GAİM) təşkilatçılığı ilə Xocalı soyqırımının 32-ci ildönümünə həsr olunmuş silsilə tədbirlər çərçivəsində mərkəzin müəllim və məktəb şagirdləri, həmçinin dəvət olunmuş gürcü ictimaiyyətinin nümayəndələri “İşgəncələr məbədi – Şuşa həbsxanası”adlı sənədli filmini izləyib. Sonda qaliblərə diplomlar və qiymətli hədiyyələr təqdim olunub.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/marneulide-xocali-soyqirimi-qurbanlarinin-xatiresine-hesr-olunmus-sahmat-turniri-kecirilib-4306

Torontoda Azərbaycan dili sinfinin şagirdləri Xocalı soyqırımı barədə məlumatlandırılıb
, 2024
Torontoda Azərbaycan dili sinfinin şagirdləri Xocalı soyqırımı barədə məlumatlandırılıb
Kanadanın Toronto şəhər təhsil mərkəzinin xarici dillər bölməsinin Azərbaycan dili sinfinin növbəti dərsi Xocalı soyqırımının 32-ci ildönümünə həsr olunub. Dərs Azərbaycanın Dövlət Himninin səsləndirilməsi ilə başlayıb. Xocalı soyqırımı qurbanları və ölkəmizin ərazi bütövlüyü uğrunda canlarından keçmiş şəhidlərimizin əziz xatirəsi dərin ehtiramla yad edilib. Azərbaycan dili sinfinin müəlliməsi Yeganə Cəfərova şagirdlərə xalqımızın məruz qaldığı qanlı və dəhşətli faciə haqqında ətraflı məlumat verib. O qeyd edib ki, 1992-ci il fevralın 25-dən 26-na keçən gecə erməni hərbi birləşmələri tərəfindən Xocalının dinc və günahsız əhalisinə qarşı xüsusi amansızlıqla kütləvi qırğın törədilib. Qadınlar, uşaqlar və yaşlılar da daxil olmaqla, 613 nəfər qəddarlıqla qətlə yetirilib, 1275 nəfər girov götürülüb, 8 ailə tamamilə məhv edilib. Məktəblilərə milli kimliklərini və Xocalı faciəsini unutmamaq tövsiyə olunub.

 

 

Torontoda Azərbaycan dili sinfinin şagirdləri Xocalı soyqırımı barədə məlumatlandırılıb
📌 https://t.co/TDZm49fhDc#JusticeforKhojaly #Khojaly #KhojalyGenocide #XocalıyaƏdalət pic.twitter.com/9uMvEzZtNy

— Azerbaijani Diaspora (@DiasporaAz) February 28, 2024

 

 

 

Dərs zamanı şagirdlər Xocalı soyqırımına həsr etdikləri “Biz Xocalının səsiyik” mövzusunda rəsmlər çəkib, Xocalıya aid şeirlər səsləndiriblər.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/torontoda-azerbaycan-dili-sinfinin-sagirdleri-xocali-soyqirimi-barede-melumatlandirilib-4305

 

No:070/24, Azərbaycan Respublikasının Xarici İşlər Nazirliyinin Xocalı soyqırımının 32-ci ildönümü ilə bağlı bəyanatı
26 fevral 2024-cü il

 

Bu gün, Ermənistanın Azərbaycana qarşı hərbi təcavüzü və ərazilərimizin işğalı dövründə azərbaycanlı mülki əhaliyə qarşı törədilmiş Xocalı soyqırımından 32 il ötür.

 

 

Azərbaycan Respublikasının Xarici İşlər Nazirliyinin Xocalı soyqırımının 32-ci ildönümü ilə bağlı bəyanatıhttps://t.co/t8SJoscEe0 pic.twitter.com/rG1zqtTun1

— MFA Azerbaijan 🇦🇿 (@AzerbaijanMFA) February 25, 2024

 

 

 

Ermənistan tərəfindən azərbaycanlılara qarşı aparılan etnik təmizləmə və soyqırımı siyasəti Azərbaycan ərazilərinin işğalı zamanı Bağanis Ayrım, Cəmilli, Kərkicahan, Meşəli, Malıbəyli, Quşçular, Qaradağlı və s. daxil olmaqla yaşayış məntəqələrində törədilən insanlıq əleyhinə cinayətlərlə müşayiət olunub. Bu qəbildən ən dəhşətli qətliamlardan biri Xocalı şəhərinin sakinlərinə qarşı törədilib.

 

1991-ci ilin oktyabrından etibarən mühasirəyə alınan və avtomobil əlaqəsi kəsilmiş, 1992-ci ilin yanvarından isə enerji təchizatı dayandırılmış Xocalı şəhəri 1992-ci il fevralın 25-dən 26-na keçən gecə keçmiş SSRİ-nin 366-cı motoatıcı alayının yardımı ilə Ermənistan silahlı qüvvələri tərəfindən kütləvi artilleriyadan atəşə tutularaq işğal edildi.

 

İşğal nəticəsində 63 uşaq, 106 qadın və 70 qoca daxil olmaqla, 613 nəfər xüsusi amansızlıqla qətlə yetirildi, 8 ailə tamamilə məhv edildi, 130 uşaq valideynlərdən birini, 25 uşaq isə valideynlərinin hər ikisini itirdi. Əsir və girov götürülərək amansız işgəncələrə məruz qalan 1275 nəfərdən 68 qadın və 26 uşaq daxil olmaqla, 150 nəfərin taleyi bu günədək naməlum olaraq qalır.

 

Heç bir hərbi zərurət olmadan dinc azərbaycanlıların yaşadığı Xocalı şəhərinə ağır hərbi texnikanın tətbiqi, mülki əhaliyə qarşı törədilmiş vəhşiliklərə dair istintaq materialları, şahidlərin ifadələri, habelə Ermənistanın Xocalı soyqırımı zamanı müdafiə naziri olmuş sabiq prezidenti Serj Sarkisyanın “Xocalıdan öncə azərbaycanlılar düşünürdülər ki, ermənilər mülki əhaliyə əl qaldıra bilməyən xalqdır. Biz bu stereotipi sındırdıq” etirafı, törədilmiş qətliamın təsadüfi olaraq deyil, məhz soyqırımı cinayəti kimi Ermənistan tərəfindən öncədən planlaşdırılaraq bu ölkənin tabeliyində olan qüvvələr tərəfindən icra olunduğuna dair heç bir şübhə doğurmur.

 

Ermənistanın azərbaycanlılara qarşı törətdiyi digər insanlıq əleyhinə cinayətlər kimi Xocalı soyqırımı da beynəlxalq humanitar hüququn, insan hüquqları hüququnun, o cümlədən Soyqırımı cinayətinin qarşısının alınması və cəzalandırılması haqqında Konvensiya, İşgəncələrə və digər qəddar, qeyri-insani, yaxud ləyaqəti alçaldan davranış və cəza növlərinə qarşı Konvensiya, İrqi ayrı-seçkiliyin bütün formalarının ləğv edilməsi haqqında beynəlxalq Konvensiyaların kobud şəkildə pozulmasıdır.

 

Ermənistanın törədilən insanlıq əleyhinə cinayətlərə görə cəzasızlığına son qoyulmaması, bu ölkənin mövcud təcrübəsini davam etdirərək 44 günlük Vətən müharibəsi zamanı hərbi əməliyyatların getdiyi ərazilərdən uzaqda, Gəncə, Bərdə, Tərtər kimi bölgələrdəki əhaliyə qarşı müharibə cinayətlərini törətməsinə gətirib çıxardı. Bu bir daha soyqırımı kimi universal yurisdiksiyanın tətbiq dairəsində olan insanlıq əleyhinə cinayətlərin təqsirkarlarının məsuliyyətə cəlb olunmamasının ağır nəticələrini göstərir.

 

Bu baxımdan, cinayətkarların cəzasızlığına son qoyulması istiqamətində milli, o cümlədən beynəlxalq səviyyədə görülən tədbirlərin beynəlxalq ictimaiyyət tərəfindən dəstəklənməsi, habelə bu sahədə əməkdaşlıq müstəsna əhəmiyyət kəsb edir.

 

Bu il ilk dəfə Xocalı soyqırımının 32-ci ildönümündə bütün Azərbaycan ərazilərində, o cümlədən hər bir azərbaycanlının mənəvi zərbə və sağalmaz yarası olan Xocalı şəhərində üçrəngli bayrağımız dalğalanır.

 

Xocalının azad olunması gücümüzü və birliyimizi təcəssüm etdirdiyi kimi, Xocalı soyqırımı qurbanlarına vəfa borcudur.

 

Bununla yanaşı, Azərbaycan tərəfi inanır ki, milli səviyyədə, eləcə də mövcud beynəlxalq hüquq çərçivəsində görülən davamlı tədbirlər cəzasızlığa son qoyulmasına və Ermənistanın Azərbaycana qarşı təcavüzü zamanı törədilmiş ağır cinayətlərə görə məsuliyyət daşıyan şəxslərin ədalət məhkəməsi qarşısına çıxarılmasına xidmət edəcək.

 

Faciənin 32-ci ildönümündə Ermənistanın etnik nifrət və soyqırımı cinayətlərinin, o cümlədən Xocalı soyqırımının günahsız qurbanlarının xatirəsini dərin hörmət və ehtiramla yad edirik.

 

Allah rəhmət eləsin!

Paylaş
BÜTÜN XƏBƏRLƏR

kaynak:https://mfa.gov.az/az/news/no07024

 

 

 

Qazaxıstanın Türküstan vilayətində Xocalı soyqırımının 31-ci ildönümü ilə əlaqədar anım tədbiri keçirilib.

📌 https://t.co/SNkpTdZJqg pic.twitter.com/mOMuCCRwSM

— Azerbaijani Diaspora (@DiasporaAz) March 3, 2023

 

 

Qazaxıstanın Türküstan vilayətində Xocalı soyqırımı qurbanları yad edilib
, 2023
Qazaxıstanın Türküstan vilayətində Xocalı soyqırımı qurbanları yad edilib
Qazaxıstanın Türküstan vilayətində Xocalı soyqırımının 31-ci ildönümü ilə əlaqədar anım tədbiri keçirilib.

“Qarabağ” Azərbaycan Etnomədəni Birliyinin təşkilatçılığı ilə Sayram rayonunun Ağsu kəndində baş tutan anım tədbirində yerli hakimiyyət orqanlarının, qeyri-hökumət təşkilatlarının, müxtəlif icmaların nümayəndələrindən ibarət 500 nəfər iştirak edib.

Tədbirdə çıxış edən birliyin sədri Ramilə Mustafayeva bildirib ki, hər il fevralın 26-da Azərbaycan xalqı, dünya azərbaycanlıları və türk birliyi 31 il öncə erməni hərbi birləşmələri tərəfindən xüsusi amansızlıqla qətlə yetirilmiş Xocalı soyqrımı qurbanlarının xatirəsini yad edir. Xocalı qətliamını Ermənistanın uzun illərdən bəri Azərbaycana qarşı həyata keçirdiyi planlaşdırılmış etnik təmizləmə və təcavüz siyasətinin tərkib hissəsi adlandıran birlik sədri bu qorxunc hərbi cinayətin törədilməsinə görə Ermənistanın o zamankı siyasi-hərbi rəhbərliyinin və Qarabağdakı erməni separatçılarının məsuliyyət daşıdığını nəzərə çatdırıb.

Dünya azərbaycanlılarının, o cümlədən Qazaxıstanda yaşayan soydaşlarımızın da Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət” beynəlxalq kampaniyası çərçivəsində bu faciəyə beynəlxalq səviyyədə hüquqi qiymət verilməsini və bu dəhşətli faciəni törədən erməni cinayətkarlarının ədalət məhkəməsinə cəlb olunması məqsədilə qətiyyətli addımlar atılılmasını tələb etdiyi vurğulanıb.

Tədbir iştirakçılarına Heydər Əliyev Fondu tərəfindən hazırlanmış Xocalı soyqırımı haqqında broşürlər, nişanlar və “Sonsuz dəhliz” filminin diskləri paylanıb.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/qazaxistanin-turkustan-vilayetinde-xocali-soyqirimi-qurbanlari-yad-edilib-2512

 

 

Qazaxıstanın Türküstan vilayətində Xocalı soyqırımının 31-ci ildönümü ilə əlaqədar anım tədbiri keçirilib.

📌 https://t.co/SNkpTdZJqg pic.twitter.com/mOMuCCRwSM

— Azerbaijani Diaspora (@DiasporaAz) March 3, 2023

 

 

İtaliyanın paytaxtı Romada #Xocalı soyqırımının 31-ci ildönümü ilə əlaqədar məlumatlandırma aksiyası keçirilib.

📌 https://t.co/AThQjRoTTM#JusticeforKhojaly#XocalıyaƏdalət pic.twitter.com/WjPMNbNjur

— Azerbaijani Diaspora (@DiasporaAz) March 2, 2023

 

 

Xocalı soyqırımı həqiqətlərini əks etdirən avtomobil Roma küçələrində hərəkət edib
2 mart, 2023
Xocalı soyqırımı həqiqətlərini əks etdirən avtomobil Roma küçələrində hərəkət edib
İtaliyanın paytaxtı Romada Xocalı soyqırımının 31-ci ildönümü ilə əlaqədar məlumatlandırma aksiyası keçirilib.

İtaliya-Azərbaycan Birliyinin sədri Fərid Abbasovun təşəbbüsü ilə baş tutan aksiya “Xocalıya ədalət” beynəlxalq kampaniyası çərçivəsində gerçəkləşdirilib.

Aksiya zamanı üzərində “Xocalı üçün dua et!” çağırışının və Xocalı soyqırımı həqiqətlərinin əks olunduğu avtomobil İtaliya paytaxtının mərkəzi küçələri ilə hərəkət edib.

Aksiya romalıların və turistlərin diqqətini Xocalı soyqırımına cəlb etmək məqsədilə təşkil edilib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/xocali-soyqirimi-heqiqetlerini-eks-etdiren-avtomobil-roma-kucelerinde-hereket-edib-2507

 

 

 

İtaliyanın paytaxtı Romada #Xocalı soyqırımının 31-ci ildönümü ilə əlaqədar məlumatlandırma aksiyası keçirilib.

📌 https://t.co/AThQjRoTTM#JusticeforKhojaly#XocalıyaƏdalət pic.twitter.com/WjPMNbNjur

— Azerbaijani Diaspora (@DiasporaAz) March 2, 2023

 

 

Tallinn şəhərində keçirilən Estoniya Xalqları Forumunda Xocalı soyqırımı qurbanlarının xatirəsi yad edilib.

📌 https://t.co/UFFBciiJ42#JusticeforKhojaly#XocalıyaƏdalət pic.twitter.com/w0Xhi8N00f

— Azerbaijani Diaspora (@DiasporaAz) March 1, 2023

 

 

Tallinn ictimaiyyəti Xocalı soyqırımı qurbanlarını yad edib
, 2023
Tallinn ictimaiyyəti Xocalı soyqırımı qurbanlarını yad edib
Tallinn şəhərində keçirilən Estoniya Xalqları Forumunda Xocalı soyqırımı qurbanlarının xatirəsi yad edilib.

Ölkənin Müstəqillik Günü münasibətilə Estoniya Teatrında baş tutan tədbirdə şəhər merinin mədəniyyət üzrə müavini Vadim Belobrovtsev, Estoniya parlamentinin deputatı Raivo Tamm, Estoniya Mədəniyyət Nazirliyinin departament rəhbəri Anneli Reima iştirak ediblər.

Tədbirdə çıxış edən Estoniya-Azərbaycan Mədəniyyət Mərkəzinin sədri Niyazi Hacıyev nəzərə çatdırıb ki, forumun baş tutduğu gündə Azərbaycan xalqı Xocalıda törədilmiş dəhşətli faciənin 31-ci ildönümünü qeyd edir. Mərkəz sədri forum iştirakçılarını ölkələrimizin müstəqilliyi uğrunda canlarından keçmiş bütün xalqların nümayəndələrinin, o cümlədən Xocalı soyqırımı qurbanlarının xatirəsinin bir dəqiqəlik sükutla anılmasına dəvət edib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/tallinn-ictimaiyyeti-xocali-soyqirimi-qurbanlarini-yad-edib-2492

 

 

Tallinn şəhərində keçirilən Estoniya Xalqları Forumunda Xocalı soyqırımı qurbanlarının xatirəsi yad edilib.

📌 https://t.co/UFFBciiJ42#JusticeforKhojaly#XocalıyaƏdalət pic.twitter.com/w0Xhi8N00f

— Azerbaijani Diaspora (@DiasporaAz) March 1, 2023

Kanadanın Toronto şəhər təhsil mərkəzinin xarici dillər bölməsinin Azərbaycan dili sinfinin növbəti dərsi Xocalı soyqırımının 31-ci ildönümünə həsr olunub.

📌 https://t.co/ncnmHVM0f6#JusticeforKhojaly#XocalıyaƏdalət pic.twitter.com/IsUxeyMbeN

— Azerbaijani Diaspora (@DiasporaAz) February 28, 2023

 

 

Torontodakı Azərbaycan dili sinfinin şagirdlərinə Xocalı soyqırımı barədə məlumat verilib

, 2023

 

 

 

Torontodakı Azərbaycan dili sinfinin şagirdlərinə Xocalı soyqırımı barədə məlumat verilib
Kanadanın Toronto şəhər təhsil mərkəzinin xarici dillər bölməsinin Azərbaycan dili sinfinin növbəti dərsi Xocalı soyqırımının 31-ci ildönümünə həsr olunub.

Azərbaycanın Dövlət Himninin səsləndirilməsi ilə başlayan dərsdə Xocalı soyqırımı qurbanlarının xatirəsi ehtiramla yad edilib.

Şagirdlərə Azərbaycan tarixinə ən dəhşətli və faciəli səhifələrdən biri kimi daxil olmuş Xocalı soyqırımı barədə ətraflı məlumat verilib. 1992-ci il fevralın 25-dən 26-na keçən gecə erməni hərbi birləşmələri tərəfindən Xocalının dinc və günahsız əhalisinə qarşı xüsusi amansızlıqla törədilən kütləvi qırğın zamanı körpələrin, uşaqların, məktəblilərin və tələbələrin də qətlə yetirildiyinə diqqət cəlb edilib. Xalqımızın və dünya azərbaycanlılarının bu faciəni heç bir zaman unutmayacağı, 31 ildir dünya ictimaiyyətindən Xocalıya ədalət tələb etdiyi vurğulanıb.

Dərs şagirdlərin Xocalı soyqırımına ithaf etdikləri müxtəlif rəsmlərin çəkilməsi ilə davam edib. Şagirdlər rəsmlərin üzərində “Xocalı soyqırımını unutma!”, “Xocalıya ədalət!” və digər ürək sözlərini yazıblar.

Şagirdlər dərsdən sonra keçirilən Xocalı soyqırımı qurbanlarını anım tədbirinə də qatılıblar.

Play

00:00
02:49
Mute

Settings
Enter fullscreen

Play
FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/torontodaki-azerbaycan-dili-sinfinin-sagirdlerine-xocali-soyqirimi-barede-melumat-verilib-2490

 

 

Kanadanın Toronto şəhər təhsil mərkəzinin xarici dillər bölməsinin Azərbaycan dili sinfinin növbəti dərsi Xocalı soyqırımının 31-ci ildönümünə həsr olunub.

📌 https://t.co/ncnmHVM0f6#JusticeforKhojaly#XocalıyaƏdalət pic.twitter.com/IsUxeyMbeN

— Azerbaijani Diaspora (@DiasporaAz) February 28, 2023