İsveçrənin Bazel şəhərində fəaliyyət göstərən “Azərbaycanın Dostları” Birliyinin #31Dekabr – Dünya Azərbaycanlılarının Həmrəylik Günü münasibətilə “Ritm” rəqs qrupu ilə birgə yeni layihəsi təqdim edilib.

📌 https://t.co/aKlUoHlyOi pic.twitter.com/1cmOrY5EVc

— Azerbaijani Diaspora (@DiasporaAz) January 5, 2023

 

 

“Azərbaycanın Dostları” Birliyinin “Ritm” rəqs qrupu ilə birgə yeni layihəsi təqdim edilib
5 yanvar, 2023
“Azərbaycanın Dostları” Birliyinin “Ritm” rəqs qrupu ilə birgə yeni layihəsi təqdim edilib
İsveçrənin Bazel şəhərində fəaliyyət göstərən “Azərbaycanın Dostları” Birliyinin 31 Dekabr – Dünya Azərbaycanlılarının Həmrəylik Günü münasibətilə “Ritm” rəqs qrupu ilə birgə yeni layihəsi təqdim edilib.

Diasporla İş üzrə Dövlət Komitəsinin dəstəyi və “Azərbaycanın Dostları” Birliyinin təşkilatçılığı ilə hazırlanan videoçarx “Ritm” rəqs qrupunun Avropaya turu çərçivəsində ərsəyə gəlib.

Bazel məbədi (Basel Minster) önündə çəkilişləri aparılan videoçarxda dahi Azərbaycan bəstəkarı Üzeyir Hacıbəylinin “Fantaziya 1” (Qaytağı) əsəri əsasında quruluş verilmiş rəqs təqdim olunub. Əsəri tanınmış kamança ustası İmamyar Həsənov və onun musiqi qrupu ifa edib.

Rəqsin quruluşçusu “Ritm” rəqs qrupunun üzvü, xoreoqraf Seymur Nəbi-zadə, geyim üzrə rəssamı Leyla Əliyevadır. Rəqsi Dərya Maslakova, Nurlana İbrahimova, Cəmilə Məlikova, Tunar Əzizli, Seymur Nəbi-zadə, Firuz Əlövsədov ifa ediblər.

Qeyd edək ki, “Ritm”rəqs qrupu 2011-ci ildə fəaliyyətə başlayıb. Bakı Dövlət Universitetinin rəqs kollektivinin 4 üzvü ilə yaradılan bu qrupun əsas məqsədi milli rəqslərimizi ölkəmizdə və xaricdə peşəkarcasına təbliğ etməkdir. Bu günə qədər “Ritm” rəqs qrupu Gürcüstan, Türkiyə, Rusiya, Amerika Birləşmiş Ştatları, Şimali Kipr Türk Respublikası, Çin, Belarus, Monteneqro, İsveçrə, Almaniya kimi xarici ölkələrdə Azərbaycanı layiqincə təmsil edib.

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/azerbaycanin-dostlari-birliyinin-ritm-reqs-qrupu-ile-birge-yeni-layihesi-teqdim-edilib-2156

 

 

İsveçrənin Bazel şəhərində fəaliyyət göstərən “Azərbaycanın Dostları” Birliyinin #31Dekabr – Dünya Azərbaycanlılarının Həmrəylik Günü münasibətilə “Ritm” rəqs qrupu ilə birgə yeni layihəsi təqdim edilib.

📌 https://t.co/aKlUoHlyOi pic.twitter.com/1cmOrY5EVc

— Azerbaijani Diaspora (@DiasporaAz) January 5, 2023

 

Budapeştdəki #Azərbaycan Evində gənc soydaşımızın “Azərbaycandan dünyaya musiqi töhfəsi” layihəsi təqdim edilib

📌 https://t.co/Dk88Z4gUEA pic.twitter.com/FBEIPrd3Po

— Azerbaijani Diaspora (@DiasporaAz) December 5, 2022

 

 

Budapeştdəki Azərbaycan Evində gənc soydaşımızın “Azərbaycandan dünyaya musiqi töhfəsi” layihəsi təqdim edilib
5 dekabr, 2022

Budapeştdəki Azərbaycan Evində gənc soydaşımızın “Azərbaycandan dünyaya musiqi töhfəsi” layihəsi təqdim edilib
Macarıstanın paytaxtı Budapeşt şəhərində fəaliyyyət göstərən Azərbaycan Evində Avstriyanın Anton Brukner adına Konservatoriyasının tələbəsi, pianoçu, respublika və beynəlxalq müsabiqələr laureatı, Qran-Pri mükafatçısı Ayan Məmmədlinin “Azərbaycandan dünyaya musiqi töhfəsi” layihəsi təqdim olunub.

Diasporla İş üzrə Dövlət Komitəsinin dəstəyi ilə baş tutan tədbir Azərbaycan Evinin təşkilatçılığı ilə gerçəkləşdirilib.

Tədbir iştirakçılarını salamlayan Azərbaycan Evinin rəhbəri İbrahim Səfərli bildirib ki, dünyada hər bir xalqı tanıdan amillərdən biri onun mədəniyyəti ilə bağlıdır. Qeyd edib ki, Azərbaycan mədəniyyətinin ölkə sərhədlərindən kənarda təbliğ olunmasında milli musiqimizin böyük rolu var və Ayan Məmmədlinin layihəsi də bu məqsədə xidmət edir.

Ölkəmizin zəngin musiqi mədəniyyətinə və dahi bəstəkarlara malik olduğunu söyləyən Ayan Məmmədli milli mədəni isrimizin qorunub saxlanılması və dünya miqyasında geniş təbliğ olunması istiqamətində dövlətimizin böyük və uğurlu işlər həyata keçirməsindən danışıb. Məhz bu baxımdan xaricdə yalnız təhsil almaqla kifayətlənmək istəmədiyini, həm də milli musiqimizi xaricdə təbliğ etməyi özünə borc bildiyini nəzərə çatdırıb. Layihə vasitəsilə milli musiqi nümunələrimizin yaranma tarixinə, məzmununa, Azərbaycanın əsrarəngiz təbiətinə diqqəti cəlb etmək, xarici ölkələrlə mədəni əlaqələrimizin inkişafına töhfə vermək istədiyini söyləyib.

Sonra istedadlı pianoçunun ifasında “Bayatı-Şiraz” muğamı, Azərbaycan xalq mahnıları olan “Laçın”, “Küçələrə su səpmişəm“, “Şuşanın dağları”, “Sarı gəlin”, görkəmli bəstəkarlar Fikrət Əmirovun və Qara Qarayevin əsərləri səsləndirilib.

Tədbir iştirakçıları gənc soydaşımızın ifasını alqışlarla qarşılayıblar.

FOTO QALEREYA

 

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/budapestdeki-azerbaycan-evinde-genc-soydasimizin-azerbaycandan-dunyaya-musiqi-tohfesi-layihesi-teqdim-edilib-2030

 

 

Budapeştdəki #Azərbaycan Evində gənc soydaşımızın “Azərbaycandan dünyaya musiqi töhfəsi” layihəsi təqdim edilib

📌 https://t.co/Dk88Z4gUEA pic.twitter.com/FBEIPrd3Po

— Azerbaijani Diaspora (@DiasporaAz) December 5, 2022

 

Avstriyanın Lints şəhərində Anton Brukner adına Konservatoriyanın tələbəsi, pianoçu, respublika və beynəlxalq müsabiqələr laureatı Ayan Məmmədlinin “Azərbaycandan dünyaya musiqi töhfəsi” (“Vətənimin rəngləri”) adlı layihəsi təqdim olunub.

📌 https://t.co/r7lnYvM3Dn pic.twitter.com/lfWMEqnbwp

— Azerbaijani Diaspora (@DiasporaAz) November 25, 2022

 

 

Avstriyanın Lints şəhərində “Azərbaycandan dünyaya musiqi töhfəsi” layihəsi təqdim edilib

Avstriyanın Lints şəhərində “Azərbaycandan dünyaya musiqi töhfəsi” layihəsi təqdim edilib

Noyabrın 22-də Avstriyanın Linz şəhərində Anton Brukner adına Konservatoriyanın tələbəsi, respublika və beynəlxalq müsabiqələr laureatı, pianoçu Ayan Məmmədlinin “Qarabağdan musiqi töhfəsi” adlı layihənin təqdimatı keçirilib.

Tədbir “Bechstein Piano Centrum”un təşkilatçılığı və Azərbaycan Respublikası Diasporla iş üzrə Dövlət Komitəsinin dəstəyi ilə “Palais Käufmannischer Verein”də (“Ticarətçilər Cəmiyyətinin Sarayı”nda) baş tutub.

Konsertdə Avstriya parlamentinin deputatı xanım Renate Heitz çıxış edərək, Azərbaycanın Avstriyadaki səfiri Rövşən Sadıqbəylini və tədbir iştirakçılarını salamlayıb. Avstriya ilə Azərbaycan arasında uzun illər mövcud olan əlaqələrdən söz açan deputat bildirib ki, hər iki dövlət arasında müxtəlif sahələrdə olduğu kimi, mədəni sahədə də əlaqələrin daim inkişaf etdirilməsi önəmlidir. Xanım Heitz Ayan Məmmədlinin bir gənc kimi bu istiqamətdəki fəaliyyətində ona uğurlar arzulayıb.

Azərbaycanın Avstriyadaki səfiri Rövşən Sadıqbəyli bu il iki ölkə arasında diplomatik əlaqələrin 30 illiyinin bu il qeyd edildiyini, ümumilikdə isə hələ orta əsrlərdə Ağqoyunlu hökmdarı Uzun Həsənin dövründən başladığını bildirib. O, həmçinin Azərbaycanın Sumqayıt şəhəri ilə qardaşlaşmış Yuxarı Avstriya əyalətinin paytaxtı Linz şəhəri ilə mədəniyyət sahəsində təcrübə mübadiləsinin aparılması barədə razılıq əldə olunduğunu vurğulayıb. Ayan Məmmədlinin də mədəniyyət sahəsinin nümayəndəsi kimi gələcəkdə bu əlaqələrin inkişafı yolunda layiqli töhfə verəcəyinə inandığını bildirərək, tədbirin Azərbaycanın dahi bəstəkarı Fikrət Əmirovun 100 illik yubileyinin tamam olduğu günə təsadüf etdiyini də qeyd edib.

Gənc pianoçu Ayan Məmmədli bu layihəsini hazırlamaqda əsas məqsədinin milli musiqimizin bütün dünyaya tanıdılması və xarici ölkələrlə mədəni əlaqələrimizin inkişaf etdirilməsinə töhfə vermək olduğunu söyləyib. Onun təqdim etdiyi “Bayatı-Şiraz” muğamı, Azərbaycan xalq mahnıları olan “Laçın”, “Küçələrə su səpmişəm“, “Şuşanın dağları”, “Sarı gəlin”, Fikrət Əmirovun və Avropa bəstəkarlarının əsərləri tədbir iştirakçıları tərəfindən alqışlarla qarşılanıb.

Tədbirin təşkilatçılarından “Bechstein Piano Centrum”un nümayəndəsi Georg Wiesenger Azərbaycan musiqisinin Avstriyada tanıdılması üçün, Ayan Məmmədlinin gənc olmasına baxmayaraq, kifayət qədər peşəkar ifaçılığını yüksək qiymətləndirərək, əməkdaşlığı gələcəkdə də inkişaf etdirməkdə maraqlı olduqlarını ifadə edib.

FOTO QALEREYA

 

 

dostların arasında bunu ilk tövsiyyə edən sən ol

kaynak :http://diaspor.gov.az/az/news-detail/avstriyanin-lints-seherinde-azerbaycandan-dunyaya-musiqi-tohfesi-layihesi-teqdim-edilib-1999

 

 

Avstriyanın Lints şəhərində Anton Brukner adına Konservatoriyanın tələbəsi, pianoçu, respublika və beynəlxalq müsabiqələr laureatı Ayan Məmmədlinin “Azərbaycandan dünyaya musiqi töhfəsi” (“Vətənimin rəngləri”) adlı layihəsi təqdim olunub.

📌 https://t.co/r7lnYvM3Dn pic.twitter.com/lfWMEqnbwp

— Azerbaijani Diaspora (@DiasporaAz) November 25, 2022